ساڵی ڕابردوو ٥٨% گەشتەکانی جیهان لەڕێگەی فڕۆکەوە بووە

ساڵی ڕابردوو ٥٨% گەشتەکانی جیهان لەڕێگەی فڕۆکەوە بووە

بە پێی ئامارێكی ڕێكخراوێكی جیهانی، لە ساڵی رابردوودا زۆرترین گەشتكردن لە جیهاندا لە رێگەی فرۆكەوە ئەنجام دراوە كە ڕێژەكەی گەیشتووەتە 58%ی سەرجەمی ئەو گەشتانەی لە جیهاندا ئەنجام دراون.

لە ئامارەكەی رێكخراوی گەشتوگوزاری جیهانیدا ئەوەش هاتووە كە 56%ی گەشتەكان سبە مەبەستی گەشتوگوزاری و 27%ی بۆ مەبەستی گەشتكردنی ئاینی و چارەسەركردنی پزیشكی و 13%ی گەشتەكانی بۆ بارزگانی بووە.

رێكخراوی گەشتوگوزاری جیهانی بڵاوی كردەوە ساڵی رابردوو رێژەی گەشتكردنی هاووڵاتیانی جیهان 58% بە فڕۆكە بووە و 37% بە هۆی ڕێگەی وشكانیەوە و 4%یش بە ڕێگەی ئاوی و 2%ش بە ڕێگەی شەمەندەفەرەوە بووە.

راپۆرتەكە پێیوایە گەشتكردن بۆ مەبەستی گەشتوگوزار لە جیهاندا زۆرتر بووە بە بەراورد لەگەڵ ساڵانی هەشتاكانی سەدەی رابردوودا، چونكە لە ئێستەدا ئاسانكاری زیاتر لە بواری پێدانی ڤیزاوە هەیە.

ساڵی رابردوو 1.4 ملیار كەس لە جیهاندا گەشتیان كردووە، رێژەی گەشتكردنیش بە 5% بەرزتر بووە بە بەروارد لەگەڵ ساڵانی پێشووتر.