کۆمپانیای Acer ، لاپتۆپی " Triton 900 " نمایشکرد

کۆمپانیای Acer  ، لاپتۆپی " Triton 900 " نمایشکرد

كۆمپانیای بواری تەكنەلۆژیا Acer لاپتۆپێكی نوێی ئاشكراكرد ، كە دیزاینێكی نوێی هەیە و یەكێكە لە هەرە كۆمپیوتەرە نامۆ و بەكارەكان  .

ئەوەی لەناو كۆمپیوتەری Triton 900 سەرنجراكێشە شاشەكەیەتی ، كە بەكارهێنەر دەتوانێت بەو شێوەیەی دەیەوێت و گونجاوە بیسوڕێنێتەوە، بەشێوەیەك قەبارەكەی ١٧ ئینچە و كوالێتی خستنەڕووی (3840/2160) مێگاپێكسڵە و بەدەستلێدان كار دەكات ، تەنانەت بەكارهێنەر دەتوانێت بێبەكارهێنانی پێنووسی تایبەت لەسەری بنووسێت  .

کۆمپانیاکە ئەو لاپتۆپەی بۆ عاشقانی یارییە ئەلیكترۆنییەكان دیزاین كردووە ، تەختەكلیلێكی تایبەتی بۆ بەكارهێناوە باگراوندەكەی ڕووناكی هەیە ، لەگەڵ پرۆسێسەری گرافیك لە جۆری Nvidia GeForce RTX 2080، كە یەكێكە لە باشترین پرۆسێسەرەكانی گرافیك لە جیهاندا 

ئەم كۆمپیوتەرە لاپتۆپە كۆڕی هەشتە و نەوەی هەشتەمە و رامەكەی ١٦ گێگابایتییە و دەتوانرێت تا ٣٢ گێگابایتی زیاد بكرێت، هاردەكەشی لە جۆری SSD یە و یەك تێرابایت خەزن دەكات، پاترییەكەشی بەشی ئەوە دەكات شەش كاتژمێر لەسەر یەك كاری پێبكرێت .